Сімволіка раёна

Першамайскі раён –
 светлай мары крыніца
Сл. А.Лягчылава
Муз. Я.Навуменкі

Распачаўшы свой дзень без тугі і турбот,
Зноў за домам маім прачынаецца сонца: 
Ад прыпынку метро, што завецца “Усход”, 
Кліча нас за сабой сваёй тайнай бясконцай.

Прыпеў:
Першамайскі раён у вясновасці дзён –
Светлай мары маёй і надзеі крыніца.
Першамайскі раён – мой шчаслівы палон,
Самы лепшы куток беларускай сталіцы.

Не знайсці прыгажэй і ўтульней дамоў,
Светлых вуліц тваіх роўна сцеляцца стужкі.
А ў парках, садах заліваюцца зноў
Галасамі вясны бестурботныя птушкі.
Прыпеў.

Там, дзе грае ручай, і звініць цішыня,
І ў блакіце нябёс луг заўсёды зялёны,
Там у вочы табе зазірне дабрыня – 
Гаспадыня любові, натхнення і плёну.
Прыпеў.